እውቀት እና ሥልጣኔ፥ ማንነት እና ድኅነት

መግቢያ

ስለ ምድራዊ እውቀት አመጣጥና አካሄድ ስናስተውል፥

ባንድ በኩል ምድራዊ ሕይወታችንን ሲያሻሽል፥

በሌላም በኩል መንፈሳዊ ሕይወታችንን ሲያጣጥል፥

ሙሉ ሆኖ የተፈጠረን ሰው እንዲህ ከሁለት ሲከፍል፥

ምድራዊ እውቀት እና የዘመኑ ሥልጣኔም ትርጉም ያጣል።

የሰው ኑሮ ከራሱ በመነጨ እውቀቱ እንዳይሆን፥ 

በራሱ ካገኘው እውቀት ውስጥ ጣልቃ የገባውን፥

ተፈጥሮአዊ ማንነቱን የወሰደበትን - ወይንም አደናብሮ የቀየረበትን፥

እስቲ እንመልከተው፥ የሰውን ምድራዊ እውቀቱን፥

ከጥንት ከአመጣጡ ጀምረን፤

ከጻዲቁ ሄኖክ መልእክትና አቤቱታ ተነስተን።[1]

እንዲሁም እንመርምር ታሪካዊ ሂደቱን፤

እውቀታችን በኛነታችን ላይ ያስከተለውን - ተፅንኦውን።

በመጨረሻም፥ ኃይልና ሥልጣን፥ የእግዚአብሔር መሆኑን አውቀን፥

ድኅነት የሚገኝ ከእርሱ መሆኑን አምነን፥

ፍቅር፥ ሰላም፥ ጤንነትና ደስታን እንማጸናለን።

 

 

 

[1] “አቤቱ ረድኤቴ መድኃኒቴም፥ የአፌ ቃልና የልቤ ሃሳብ በፊትህ ያማረ ይሁን።” መዝ. 18 (19)፡ 14